मुंबई

आई बाबा अन चिमुकली मुलगी तिघानीही केली आत्महत्या..!

Advertisements

घरातील लोकांच्या जाचाला कंटाळून केली आत्महत्या….!!

अमीन शाह

डोंबिवली , दि. ०२ :- कल्याण ग्रामीणमधील वाकलण गावात आज सकाळी अत्यंत धक्कादायक घटना घडली आहे. आमच्या कुटुंबाला त्रास देण्यासाठी आत्महत्या करत आहोत, आमच्या आत्महत्येला आमच्या कुटुंबीयांना जबाबदार धरावे, अशी चिठ्ठी लिहून नंतर ही चिठ्ठी व्हॉट्सअॅपवरून कुटुंबीयांना पाठवून पती, पत्नी आणि मुलगी अशा एकाच कुटुंबातील तिघांनी आत्महत्या केली. या घटनेमुळे कल्याण ग्रामीण परिसरात एकच खळबळ उडाली आहे.
आज पहाटे ५ वाजता शिळडायघर येथील वाकलण गावात ही घटना घडली. शिवराम पाटील, त्यांची पत्नी दीपिका पाटील (वय ३५) आणि मुलगी अनुष्का पाटील (वय ३) अशी मृतांची नावं आहेत. पाटील कुटुंबाने आत्महत्या करण्यापूर्वी चिठ्ठी लिहिली होती. त्यात त्यांनी त्यांच्या आत्महत्येला कुटुंबाला जबाबदार धरले आहे. ‘कुटुंबातील इतर लोकांना त्रास देण्यासाठी आम्ही आत्महत्या करत आहोत. आमच्या आत्महत्येस घरातील सगळ्या जणांना जबाबदार धरावं’, असा मजकूर या चिठ्ठीत लिहिल्यानंतर त्याचा फोटो काढून ही चिठ्ठी कुटुंबीयांना व्हॉट्सअॅपवरून त्यांनी पाठवली आणि त्यानंतर या तिघांनी गळफास लावून राहत्या घरी आत्महत्या केल्याचं पोलीस सूत्रांनी सांगितलं.
या चिठ्ठीत १३ जणांची नावं लिहिण्यात आली आहेत. हे सर्वजण आमच्या आत्महत्येस कारणीभूत असल्याचं म्हटलं असून त्यांच्यावर कठोर कारवाई व्हावी, असं चिठ्ठीत नमूद करण्यात आल्याचं पोलीस सूत्रांनी सांगितलं. या घटनेची माहिती मिळताच पोलिसांनी घटनास्थळी धाव घेऊन पंचनामा केला. पोलिसांना ही सुसाईड नोट ताब्यात घेतली असून सुसाईड नोटमध्ये नावं असलेल्या १३ जणांची चौकशी करण्यात येणार आहे. त्याशिवाय शेजाऱ्यांचीही चौकशी करण्यात येणार असून या आत्महत्येमागचं नेमकं कारण उलगडण्यात येणार असल्याचं पोलीस सूत्रांनी सांगितलं.
आम्ही मृतदेह शवविच्छेदनासाठी रुग्णालयात पाठवले असून अपघाती मृत्यूची नोंद केली आहे. आमचं एक पथक या प्रकरणाचा तपास करून एफआयआर दाखल करून घेईल, असं पोलीस उपायुक्त एस. बुरसे यांनी सांगितलं.
बायकोचे दागिने दान करा , या सुसाइड नोटमध्ये पाटील यांनी आमच्या आत्महत्येनंतर पत्नी दीपिकाचे सर्व दागिने दान करण्यात यावेत, अशी इच्छा व्यक्त केली आहे. तसेच संपत्तीच्या वादातून आम्ही आत्महत्या करत आहोत, असंही या चिठ्ठीत नमूद करण्यात आल्याचं सूत्रांनी सांगितलं. या जोडप्याने आधी मुलीची हत्या केली. त्यानंतर त्यांनी गळफास लावून स्वत:ला संपवल्याचं पोलीस सूत्रांनी स्पष्ट केलं.

You may also like

मुंबई

ऍड. बाळासाहेब आंबेडकरांना महाराष्ट्रात फिरू देणार नाही म्हणनार्यांना डेमोक्रॅटिक आरपीआय व सम्यक पँथर चा औकातीत राहण्याचा इशारा.

मुंबई ,  (प्रतिनिधी) – बहुजन हृदयसम्राट ऍड. बाळासाहेब आंबेडकरांना महाराष्ट्रात फिरू देणार नाही म्हणनार्यांनी आपल्या ...
मुंबई

महामानवांच्या वंशजांवर अवमानकारक टीकाटिप्पणी सहन केली जाणार नाही – पँथर ऑफ सम्यक योद्धाचा इशारा

मुंबई , (प्रतिनिधी) – कोणत्याही राष्ट्रपुरुष व राष्ट्रमाता तसेच महामानवांच्या वंशजांवर अवमानकारक टीकाटिप्पणी सहन केली ...
मुंबई

सक्ती व बेशिस्त कर्जवसुली थांबवा अन्यथा हातपाय तोडू – पँथर डॉ राजन माकणीकर

मुंबई – कोरोना महामारी संसर्गजन्य आजाराच्या पार्श्वभूमीवर वित्तीय संस्थांनी सक्त बेशिस्त दमनकारी कर्जवसुली थांबवावी अन्यथा ...
मुंबई

गोर बंजारा वेशभूषेत मुंबई येथील बहूमजली कारपोरेट कार्यालयाचे उदघाटन सोहळा संपन्न – उदघाटक, गोर पारूबाई जधव

मुंबई –  बंजारा हृदय सम्राट, उद्योगपती, गोर किशनभाऊ राठोड यांच्या संकल्पनेतून प्रथमच ठाणे मुंबई येथील ...
मुंबई

यूपीमध्ये राष्ट्रपती राजवट लागू करून जातीय अत्याचाराच्या घटना थांबवाव्यात – पँथर डॉ राजन माकणीकर

लाखो सह्यांसह मा. राष्ट्रपती यांना शिस्तमंडळ भेटणार मुंबई , (प्रतिनिधी) – भारतात आरएसएस प्रणित भाजप ...