Home मुंबई शिक्षकांना जनगणनेच्या कामातून वगळावे – आमदार कपिल पाटील

शिक्षकांना जनगणनेच्या कामातून वगळावे – आमदार कपिल पाटील

148
0

लियाकत शाह

मुंबई , दि. ३० :- शिक्षकांना जनगणनेच्या कामातून वगळावे या मागणीसाठी आमदार कपिल पाटील यांनी नागरिक नोंदणी जनगणना ऑपरेशन्सच्या महाराष्ट्र संचालक श्रीमती रश्मी झगडे यांची भेट घेतली. जनगणनेत शिक्षकांना शेवटचा पर्याय म्हणूनच काम दिलं जाईल असं श्रीमती रश्मी झगडे यांनी सांगितलं. जनगणनेचं काम करणाऱ्या कर्मचारी आणि शिक्षकांना ४५ दिवसांची अर्जित रजा देण्याची मागणीही त्यांनी मान्य केली. तशी शिफारस करण्याचं आश्वासन त्यांनी दिले. मागच्या जनगणनेच्या वेळेला आमदार कपिल पाटील यांच्या पाठपुराव्यानंतर राष्ट्रीय जनगणना संचालनालयाने ४५ दिवसांची विशेष अर्जित रजा मंजूर केली होती. त्याची आठवण यावेळी दिल्यानंतर श्रीमती झगडे यांनी ती मागणी मान्य केली. गरोदर महिला तसेच आजारपण, व्याधी, अपंगत्व असलेले व निवृत्तीकडे झुकलेले शिक्षक यांना वगळण्यात येईल असेही त्यांनी सांगितले. परीक्षा, पेपर तपासणी आणि ट्रेनिंग मध्ये असलेल्या शिक्षकांनाही वगळण्याबाबत आपण उचित शिफारस करू असे आश्वासन त्यांनी दिले.

Previous articleस्मार्ट फोन , टीव्ही , फ्रीज , वॉशीग मशीन महागणार ???
Next articleआर एस पी हे प्रशिक्षण नसून काळाची गरज- डॉ दिलीप पाटील भुजबळ पोलीस अधीक्षक बुलढाणा
भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here