रायगड

घरफोडी करणारे पोलिसांच्या ताब्यात , दोन लाख २४ हजार २५० रुपयांचा ऐवज हस्तगत

Advertisements

कर्जत – जयेश जाधव

कर्जत-खालापूर तालुक्यातील कर्जत, नेरळ आणि खालापूर पोलीस ठाण्याच्या हद्दीत घरफोडी करणारे दोन आरोपी पकडण्यात कर्जत पोलिसांना यश आले आहे. त्यांच्या जवळून दोन लाख २४ हजार २५० रुपयांचे दागिने जप्त करण्यात आले आहे.
कर्जत पोलीस ठाण्याच्या हद्दीत दहीवली येथे राहणारे नवनाथ बाबुराव घारे यांच्या घरी २७ आॅगस्ट २०१९ रोजी घरफोडी झाली होती, त्या वेळी चोरट्यांनी त्यांच्या घरातील दोन लाख तीन हजार ७५० रुपयांचे दागिने पळविले होते. तपासात पोलिसांनी या परिसरातील सीसीटीव्ही फुटेज तपासले होते. सीसीटीव्ही फुटेजमधील व्यक्ती त्याची गाडी, शरीरयष्टी पोलिसांच्या डोक्यात चांगलीच फीट झाली होती.

घरफोडीची घटना होऊन जवळपास सहा महिन्यांचा कालावधी उलटला होता, कर्जत पोलीसठाण्याचे पोलीस नाईक सचिन नरुटे हे नेरळ येथून मोटारसायकलवर कर्जत येत होते, त्या वेळी त्यांना त्यांच्या मोटारसायकलच्या आरशात मोटारसायकलस्वार दिसला, त्याच्या मोटारसायकल चालवण्याची पद्धत व शरीरयष्टीवरून त्यांच्या मनात सीसीटीव्ही फुटेजमधील ती व्यक्ती आठवली, म्हणून त्यांनी त्या मोटारसायकलस्वाराला पुढे जाऊ दिले व वरिष्ठांना याबाबत कळवले. त्या वेळी कर्जत चारफाटा येथे सापळा रचून बसलेले गुन्हे प्रकटीकरण पथकातील पोलीस उपनिरीक्षक सचिन गावडे, पोलीस शिपाई भूषण चौधरी यांनी त्याला अडवून त्याची चौकशी केली, त्या वेळी त्याने आपले नाव व पत्ता सांगितला. मात्र, पोलिसांना त्याचा संशय आला म्हणून त्याला ताब्यात घेतले.

पोलीस अधीक्षक अनिल पारस्कर, उपविभागीय अधिकारी अनिल घेरडीकर, कर्जत पोलीस ठाण्याचे पोलीस निरीक्षक अरुण भोर यांच्या मार्गदर्शनाखाली पोलीस निरीक्षक सचिन गावडे, सचिन नरुटे आणि भूषण चौधरी यांना तपासात यश आले.
पोलिसांनी ताब्यात घेतलेल्या व्यक्तीकडे चौकशी केली असता त्याने आपले नाव मयूर सोपान भुंडे (रा. चांदणी चौक, ता. मुळशी, जिल्हा पुणे) असे सांगितले. मी व माझ्या साथीदाराने कर्जत, नेरळ, खोपोली परिसरात पाच घरफोड्या केल्याचे कबूल केले, मयूर भुंडे यास पोलिसांनी ताब्यात घेतल्याचे कळताच त्याचा साथीदार हा शिर्डी येथे पळून गेल्याचे पोलिसांना समजले. पोलिसांनी त्यालाही ताब्यात घेतले. त्या वेळी त्याने आपले नाव सुमित शिवकुमार सूर्यवंशी (रा. आटगाव, ता. शहापूर, जि. ठाणे) असे सांगितले.

मयूर भुंडे याच्यावर पुणे, सातारा, सिंधुदुर्ग, रायगड, जिल्ह्यांमध्ये ४३ घरफोड्यांचे गुन्हे असल्याचे समोर आले आहे. आरोपी हा रोहा पोलीस ठाणे वॉरंटमध्ये फरार असल्याचे समजले. कर्जत येथे त्याला पोलिसांनी पकडले असता, गुन्हातील दोन लाख २४ हजार २५० रुपयांचे दागिने पोलिसांनी हस्तगत केले आहेत. कर्जत पोलीस ठाण्यात गुन्हे प्रकटीकरण पथक तयार केल्यापासून अनेक गुन्ह्यांची प्रकरणे उघड झाली आहेत, गुन्हे तपासकामी त्याचा चांगलाच फायदा झाला आहे.

You may also like

रायगड

यू-टयूब चॅनल्स अधिकृत प्रसारमाध्यम नसून केवळ सोशल मिडीया प्लॅटफॉर्म

अलिबाग , जि. रायगड,दि.13 (जिमाका):- काही व्यक्ती अनधिकृतपणे वृत्तपत्रे प्रकाशित करतात व सोशल मीडियाच्या माध्यमातूनही ...
रायगड

हाथरस प्रकरणातील आरोपींना फाशी द्या , “शेकाप नेते पंडीत पाटील यांची मागणी”

श्रीवर्धन तहसीलदारांना दिले मागण्यांचे निवेदन….!   उदय वि कळस  –  श्रीवर्धन  उत्तरप्रदेशातील हाथरस येथील सामूहिक ...
रायगड

रायगड जिल्हा नियोजन अधिकारी पदी जयसिंग मेहेत्रे रुजू

गिरिश भोपी –  रायगड जिल्हा नियोजन अधिकारी पदाचा कार्यभार श्री.जयसिंग दत्तात्रय मेहेत्रे यांनी उपजिल्हाधिकारी सर्जेराव ...
रायगड

ज्येष्ठांच्या आयुष्यात आनंदाची हिरवळ फुलविण्याचे स्व. बाळासाहेबांचे स्वप्न पूर्ण करण्याचा प्रयत्न – मुख्यमंत्री उद्धव ठाकरे

गिरीश भोपी अलिबाग / रायगड , दि.29  – ज्येष्ठांच्या आयुष्यात आनंद फुलविण्यासाठी 30 वर्षांपूर्वी शिवसेनाप्रमुख ...
रायगड

पनवेल डी.डी. विसपुते बी.एड.महाविद्यालयात “राष्ट्रीय ग्रंथपाल दिवस उत्साहात संपन्न”

अलिबाग – आदर्श शैक्षणिक समूहाचे, श्री.बापूसाहेब डी.डी. विसपुते काॅलेज ऑफ एज्युकेशन, नविन पनवेल व बोर्ड ...