सहकारी महर्षी स्व.भास्करराव शिंगणे पुण्यतिथीनिमित्त ना. मुंडेंच्या उपस्थितीत कृषी मेळावा आयोजित

शेतकऱ्यांनी लाभ घेण्यासाठी सभापती समाधानदादा शिंगणे यांचे आवाहन

प्रतिनिधी:-रवि आण्णा जाधव

देऊळगावराजा:- सहकार महर्षी भास्करराव शिंगणे यांच्या पुण्यतिथीनिमित्ताने विदर्भ मार्केटिंग फेडरेशन नागपूर व कृषी उत्पन्न बाजार समिती देऊळगाव राजा द्वारा आयोजित भव्य कृषी मेळावा व सन्मान बळीराजाचा हा कार्यक्रम १३ ऑक्टोबर रोजी कृषी उत्पन्न बाजार समितीत आयोजित करण्यात आला आहे.या मेळाव्याचे उद्घाटन महाराष्ट्र राज्याचे कृषीमंत्री धनंजय मुंडे यांच्या हस्ते करण्यात येणार आहे कार्यक्रमाचे अध्यक्षस्थानी माजीमंत्री तथा सिंदखेडराजा मतदारसंघाचे आमदार डॉक्टर राजेंद्र शिंगणे तर प्रमुख उपस्थितीत बुलढाणा जिल्ह्याचे पालकमंत्री दिलीप वळसे पाटील राहणार आहे. हवामानतज्ञ पंजाबराव डख, दुग्ध व्यवसाय तज्ञ डॉ. बाबासाहेब ठोंबरे व अन्य शेतीविषयक तज्ञ शेतकरी मार्गदर्शन करणार आहेत. बाजार समितीच्या वतीने सभापती समाधान शिंगणे यांनी या कार्यक्रमाचे आयोजन केले आहे.
तसेच जोडधंद्यातून आर्थिक लाभ मिळविण्याच्या दृष्टीने हा कृषि मेळावा शेतकऱ्यांसाठी महत्वपूर्ण ठरणार आहे तरी शेतकऱ्यांनी हजारोंच्या संख्येने या सुवर्ण महोत्सवाचा लाभ घेवून कार्यक्रमात उपस्थित राहण्याचे आवाहन कृषी उत्पन्न बाजार समीतीचे सभापती समाधान शिंगणे यांनी केले आहे.