नांदेड , दि. ९ ( राजेश भांगे ) – धर्माबाद, सुभाषरोड येथील रविकुमार कोंडावर, राजकुमार कोंडावर या व्यक्तींच्या ताब्यातील विविध १२ ब्रॉन्डचा किंमत ४ लाख ५९ हजार १९० रुपयांचा पानमसाला व सुंगधीत तंबाखु जप्त करुन दोन्ही व्यक्ती विरुद्ध अन्न सुरक्षा व मानदे कायदा अंतर्गत व बादवी अंतर्गत गुन्हा दाखल करण्यात आला आहे.
धर्माबाद पोलिसांनी गुप्त माहितीवरुन धर्माबाद बाळापूर रोड येथील मे. राजराजेश्वर किराणा दुकान येथे धाड टाकून प्रतिबंधीत अन्न पदार्थाचा साठा जप्त केल्याची माहिती अन्न व औषध प्रशासनास दिली होती. त्या माहितीच्या आधारे अन्न सुरक्षा अधिकारी श्री जिंतुरकर यांनी ८ एप्रिल रोजी धर्माबाद पोलिसांनी ताब्यात दिलेल्या या दोन्ही व्यक्तींवर कार्यवाही केली असुन ही कार्यवाही अन्न सुरक्षा अधिकारी श्री. जिंतुरकर व नमुना सहाय्यक अमरसिंग राठोड यांनी सहायक आयुक्त (अन्न) श्री. बोराळकर यांच्या मार्गदर्शनाखाली केली.
