Home महत्वाची बातमी “खासगी रुग्णालयांचा ताबा घ्या”, जगनमोहन रेड्डी सरकारचा मोठा निर्णय ; आंध्र प्रदेशमधील...

“खासगी रुग्णालयांचा ताबा घ्या”, जगनमोहन रेड्डी सरकारचा मोठा निर्णय ; आंध्र प्रदेशमधील जगनमोहन रेड्डी सरकारने सर्व खासगी रुग्णालयं आणि स्टाफचा ताबा घेण्याचा आदेश

231
0

विशेष प्रतिनिधी – राजेश भांगे

देशभरात करोना रुग्णांची संख्या दिवसेंदिवस वाढत आहे. करोनाचा फैलाव रोखण्यासाठी केंद्र सरकार प्रयत्न करत असतानाही राज्य सरकारेदेखील आपल्या पद्धतीने उपाययोजना करत आहेत. करोनाच्या रुग्णांना योग्य उपचार मिळावेत यासाठीही राज्य सरकारे प्रयत्न करत आहेत. अशातच आंध्र प्रदेशमधील जगनमोहन रेड्डी सरकारने सर्व खासगी रुग्णालयं आणि स्टाफचा ताबा घेण्याचा आदेश दिला आहे. हा आदेश जारी झाल्यानंतर आता जिल्हाधिकारी सर्व खासगी रुग्णालयांमध्ये विलगीरकरण कक्ष निर्माण कऱण्याचा आदेश देऊ शकतात. जेणेकरुन करोनाची लागण झालेल्या सर्व रुग्णांना उपचार सुविधा उपलब्ध केली जाऊ शकते. आंध्र प्रदेशात करोनाचे २३ रुग्ण आहेत.
दुसरीकडे दिल्ली-एनसीआरमध्येही करोनाच्या वाढत्या रुग्णांची संख्या लक्षात घेता गाजियाबाद प्रशासनाने सरकारी आणि खासगी रुग्णालयांमध्ये विलगीकरण कक्ष तयार करण्याचा आदेश दिला आहे. गाजियाबादमध्ये करोनाची सात प्रकरणं समोर आली आहेत. तर तीन डझनहून जास्त लोक क्वारंटाइन करण्यात आले आहेत.

Previous articleकरोनामुळे होणारे स्थलांतर तात्काळ रोखावे , सर्वोच्च न्यायालयाचे केंद्र सरकारला निर्देश…
Next articleपाचोरा येथे सेवाभावी ग्रुप तर्फे गरिब व गरजवंताला दोन्ही टाईमचे मोफत जेवण
भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here