ठाणे : दिनांक 15 / 08 / 2022 पोलीस बॉईज असोसिएशन ठाणे शहर अध्यक्ष पदी येथील पोलीस बॉईज असलेले राहुल दत्ताराम खैर यांची नियुक्ती करण्यात आली असल्याचे पोलीस बॉईज असोसिएशन महाराष्ट्र राज्यचे संस्थापक अध्यक्ष प्रमोद वाघमारे यांनी कळविले आहे.
राहुल खैर हे मराठा वॉरियर्स गडकिल्ले संवर्धक चे संस्थापक अध्यक्ष असून राज्यातील गडकिल्ले यांचे संवर्धन करण्यासाठी त्यांची संपूर्ण टीम मैदानात उतरली असून गेली 14 वर्षांपासून ते या क्षेत्रात काम करण्यासाठी अग्रेसर आहेत. त्यांना या कामासाठी अनेक सामाजिक पुरस्कार प्राप्त झाले आहेत , तसेच राहुल खैर यांचा सामाजिक कार्यात सुद्धा पुढाकार असतो , ठाणे शहरातील पोलीसांच्या मदातीलही ते धाऊन जातात व पोलीसांच्या अनेक कार्यक्रमात त्यांचा सहभाग असतो.
त्यामुळे पोलीसांबद्दल असलेली आत्मीयता पाहून व त्यांच्या या कामाची दाखल घेऊन पोलीस बॉईज असोसिएशन महाराष्ट्र राज्य चे संस्थापक अध्यक्ष प्रमोद वाघमारे यांनी राहुल खैर यांची पोलीस बॉईज असोसिएशन ठाणे शहर अध्यक्ष पदी नियुक्ती केली आहे व त्यांना पुढील कार्यास शुभेच्छा दिल्या आहेत.
