Home सातारा मायणीचे धार्मिक गतवैभव पुन्हा निर्माण करणार – मा. आ.डॉ. दिलीपराव येळगावकर

मायणीचे धार्मिक गतवैभव पुन्हा निर्माण करणार – मा. आ.डॉ. दिलीपराव येळगावकर

146
0

 

सतीश डोंगरे

मायणीचे धार्मिक गतवैभव पुन्हा निर्माण करणार असा दृढ निश्चय मा. आ.डॉ.दिलीपराव येळगावकर यांनी केला. भारुडी भजन कार्यक्रमप्रसंगी जमलेल्या प्रेक्षकांसमोर मायणी येथे ते सद्गुरु यशवंत बाबा पुण्यतिथी व सद्गुरु सरुताई माऊलींच्या प्रकट दिनानिमित्त ते बोलत होते. यावेळी बनपुरी येथील भारुडी भजनी मंडळ तसेच सरुताई ट्रस्टचे सचिव रवींद्र शेठ बाबर, अभिजित येळगावकर,विलासराव सोमदे, नाना पुजारी,रामभाऊ देवकर,जालिंदर माळी, मानसिंग देशमुख,सोमनाथ माळी,राजाराम कचरे आदिंची प्रमुख उपस्थिती होती.

डॉ.येळगावकर म्हणाले,माझे वडील कै.बापूराव येळगावकर हे सद्गुरु यशवंत बाबांचे परमशिष्य होते.त्यांनी सद्गुरु यशवंत बाबांच्या यात्रेनिमित्त आपल्या घराजवळ भारुडी भजनाची परंपरा अखंड सुरु ठेवली होती. परंतु साधारणपणे ४० वर्षापासून या परंपरेत बाधा येऊ लागली. गेल्या २-३वर्षापासून कोरोनामुळे ही प्रथा (परंपरा) बंदच होती.परंतु या वर्षी ही परंपरा आम्ही पुन्हा अखंडपणे सुरु करत आहोत. दरम्यान,हा भारुडी भजनाचा कार्यक्रम सुरु असतानाच सदगुरु यशवंत बाबांची पालखी येळगावकर यांच्या दारात आली. सर्व येळगावकर कुटुंबियांनी पालखीचे दर्शन घेतले. बनपुरीच्या भारुडी भजनी कलाकारांनी अतिशय सुंदर पद्धतीने भारुड सादरीकरण केले. त्यांचा यथोचित सत्कार डॉ.येळगावकर यांच्या हस्ते करण्यात आला.विलासराव सोमदे व जालिंदर माळी यांनी प्रत्येकी पाचशे रुपये भरुडी कलाकारांना बक्षीस म्हणून दिले. हा कार्यक्रम पार पडल्यानंतर पहाटे ४ वाजता प्रकट दिनानिमित्त सद्गुरु सरुताई माऊलींची आरती करण्यात आली. त्यानंतर दुपारी १२ वाजता डॉ. सौ.उर्मिला येळगावकर व मा. आ.डॉ. दिलीपराव येळगावकर,अभिजित येळगावकर,सौ.रेणू येळगावकर, संजय गुदगे,सौ.पल्लवी गुदगे यांच्या हस्ते ताईंची महाआरती करण्यात आली.त्याअगोदर ह.भ.प.डांगे महाराज यांचे कीर्तन झाले. यावेळी ट्रस्टचे सचिव रवींद्रशेठ बाबर,सर्व संचालक व भक्तगण मोठ्या प्रमाणात उपस्थित होते.

Previous articleशिवशाही फाउंडेशन,भारत च्यायवतमाळ जिल्हा अध्यक्षपदी सौ.संगीताताई खाटोल व कार्याध्यक्षपदी सौ.संध्याताई रामगिरवार यांची निवड…
Next articleविविध प्रश्न सोडविण्यासाठी उपविभागीय अधिका-यांना निवेदन जन आंदोलनाचा इशारा…!
भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.