Home महत्वाची बातमी चिमुकल्याने खेळता खेळता गिळला बँटरी चा सेल ,

चिमुकल्याने खेळता खेळता गिळला बँटरी चा सेल ,

603

 

 

*डॉ. सचिन सांगळे यांनी काढले मुलाच्या अन्ननलिकेत अडकलेले सेल*

 

अमीन शाह

शेगाव  आपल्याकडे लहान मुलं सर्रास एखादी गोष्ट उचलून तोंडात घालण्याच्या मागे असतात. हातात मिळेल ती गोष्ट तोंडात पहिल्यांदा खायची असते. मात्र अशा गोष्टींमुळे अनेकदा चिमुकल्यांच्या जीवाला धोका पोहोचतो. अनेक समस्यांचा सामना करावा लागतो. कधीकधी जीवावर बेतण्याची शक्यता असते. त्यामुळे लहानग्यांना जपण्यासाठी डोळ्यात तेल घालून काळजी घेणं गरजेचं असतं. एका चिमुकल्यानं एक लहानशी वस्तू खाल्ली आणि त्याच्या जीवावर कशी बेतू शकते
हे शेगावात पाहावयास मिळाले.
शेगांव येथील एक साडे तीन वर्षाच्या मुलाने खेळता खेळता मोठ्या आकाराचा बटन बॅटरी सेल गिळले. त्यामुळे त्याला श्वास घेण्यास काही प्रमाणात त्रास जाणवु लागला. तसेच मळमळ वाढल्याची तक्रार त्याने पालकांकडे केली.त्याच्या पालकांनी तातडीने शेगावच्या उपजिल्हा रुग्णालय येथे नेण्यात आले, प्रकरण गंभीर असल्याने तेथून त्याला अकोला येथे रेफर करण्यात आले, परंतु नातेवाईकांनी बाळाला अकोला न नेता प्रकाश चिल्ड्रन हॉस्पिटल शेगांव येथे आणले. त्याचा Xray केला असता तो सेल अन्न नलिकेत अडकून असल्याचे निदर्शनास आले, बटन बॅटरी सेल मध्ये अत्यंत घातक केमिकल असून अन्न नलिकेत गेल्याबरोबर सेलचे विघटन सुरू होते, सेल काढण्यास साधारणपणे 2 तासांपेक्षा विलंब झाल्यास अन्ननलिकेला छिद्र होऊन बाळाच्या जीवास धोका होऊ शकतो, तसेच बाळास आयुष्यभर अन्ननलिकेच्या व्याधी होऊ शकतात, म्हणून बाळाला लवकरात लवकर अकोला येथे हलवून दुर्बिणीद्वारे सेल काढण्याचा सल्ला देण्यात आला. बाळाचे वडील हे एका स्थानिक दुकानात मजुरी काम करत असून त्यांची आर्थिक परिस्थिती अत्यंत हलाखीची असल्यामुळे तसेच पुढील उपचारास विलंब झाल्यास बाळाच्या जीवितास धोका लक्षात घेता येथेच काहीतरी करण्याची विनंती नातेवाईकांनी केली, तेव्हा डॉ सचिन सांगळे यांनी एक आगळीवेगळी शक्कल लढवून लघवीच्या जागी वापरण्यात येणाऱ्या Foley’s कॅथेटर चा बलून कॅथेटर सारखा वापर करून सेल काढण्याचा निर्णय घेतला. तोंडावाटे कॅथेटर ढकलून सेल असलेल्या जागेच्या पुढे नेण्यात आले, व तेथे त्याच्या टोकाला असलेला बलून फुगवण्यात आला, व कॅथेटर बाहेरच्या दिशेने ओढून काढण्यात आले, कॅथेटर सोबत बॅटरी सेलपण सहजपणे बाहेर निघून आला. सेलमध्ये केमिकल विघटनाची क्रिया सुरू झाल्याने त्याच्या बाहेरील बाजूस लालसर रंगाचा विशिष्ट द्रव जमा झाल्याचे दिसून आले. बाळाला अर्धा तास निगराणीत ठेवून सुटी देण्यात आली. अश्याप्रकारे बाळाला कुठलीही भूल, सर्जेरी न करता अत्यल्प खर्चात अन्ननलिकेत अडकलेला बटन बॅटरी सेल काढून पुढील धोक्यातून मुक्त करण्यात डॉक्टर सचिन सांगळे यांना यश आले.
कोरोनामुळे गेल्या वर्षभरांपासून शाळा बंद आहेत. लहान मुले,विद्यार्थी अभ्यासापासुन मुक्त आहेत.याच काळात या मुलांना नको ते उद्योग सुचत आहेत.मात्र, या उद्योगांनी पालकांच्या जीवाला घोर लावला आहे. पालकांनी याच काळात लहान मुलांकडे लक्ष देण्याची तसेच बॅटरी सेल व इतर धारदार वस्तूपासून दूर ठेवण्याची गरज बालरोग तज्ञांनी व्यक्त केली आहे.

फोटो , लहान मुलगा व डॉक्टर सचिन सांगळे ,

2 , त्याने गिळलेलं बॅटरी सेल ,