आरोग्य विभागाकडूनच सोशल डिस्टंसिंग चा फज्जा
कोरोणा पेशंट ने आण करणाऱ्या ॲम्बुलन्स मधूनच इतर पेशंटची ने आण
सखाराम बोबडे पडेगावकर यांची जिल्हाधिकाऱ्यांकडे तक्रार
प्रतिनिधी
परभणी – सोशल डिस्टंसिंग नियमाचे पालन करण्यासाठी पंतप्रधानांपासून सर्वसामान्य माणूसही झटत असताना आरोग्य विभागाकडून मात्र सोशल डिस्टंसिंग नियम पायदळी तुडवल्याचे निदर्शनास आले. कोरोना पेशंटची ने-आण करणाऱ्या एकाच शासकीय अंबुलन्समध्ये तब्बल 14 जणांना पुढील उपचारासाठी गांगाखेहून परभणीला हलविण्यात आल्याने चालवणाऱ्या यंत्रणेकडून सोशल डिस्टंसिंग चे नियम मोडले गेले असल्याची तक्रार धनगर सम्राज्य सेनेचे संस्थापक सखाराम बोबडे पडेगावकर परभणी जिल्हाधिकाऱ्यांकडे बुधवारी केली आहे.
याबाबत अधिक माहिती अशी की पोंडुळ तांडा तालुका सोनपेठ येथील सात बालकांनी एरंडीच्या बिया खाल्याने त्यांना विषबाधा झाली. बेशुद्धावस्थेत त्यांना मिळेल त्या वाहनाने गंगाखेड उपजिल्हा रुग्णालयात आणण्यात आले. उपजिल्हा रुग्णालयात व्यवस्थित प्राथमिक उपचार करून त्यांना पुढील उपचारासाठी परभणी हलावण्याचे सांगण्यात आले. गंगाखेड हून परभणी ला जाण्यासाठी रुग्णांच्या नातेवाइकांनी १०८ कॉल करतात अंबुलन्स हजर झाली. पण दिवसभर कोरूना चे पेशंट केलेल्या गाडीतूनच या रुग्णांना व नातेवाईकांना कोंबड्या सारखे भरून ८ वाजत रात्री परभणीला हलविण्यात आले . रात्री सखाराम बोबडे पडेगावकर यांना रुग्णांच्या नातेवाईकांनी ही बाब कानावर घातली. त्यानंतर बोबडे यांनी परभणी जिल्हाधिकारी यांना मोबाईल द्वारे सदर माहिती कळवत यात दोषी असलेल्या वर कारवाई करण्याची मागणी केली. एकूणच क्षमतेपेक्षा जास्त प्रवासी भरल्याने एसटी महामंडळावर कारवाई करणारे परभणीचे जिल्हाधिकारी मा दीपक मुगलीकर क्षमतेपेक्षा जास्त पेशंट व नातेवाईक वाहून नेणाऱ्या यंत्रणेवर काय कार्यवाही करतात हे येणारा काळच ठरवेल.
जिल्ह्यासाठी 108 च्या 50 अंबुलन्स ची गरज – बोबडे
नियमित रुग्णासाठी जिल्ह्यात 50 ची आवश्यकता आहे. पण कोरोना काळातही या जिल्ह्यात फक्त 13 अंबुलन्स उपलब्ध आहेत. त्यामुळे कदाचित दिवसभर कोरोना रुग्णांची ने आण करणाऱ्या ॲम्बुलन्समधूनच इतर रुग्णांना उपचारासाठी जावे लागत असावे पण हे चुकीचेच आहे.लोकप्रतिनिधींच्या उदासीनतेमुळे जिल्ह्यात आरोग्य सेवेचा बोजवारा उडालेला असल्याचेही सांगितले.
