वृत्तपत्र घेऊन येणाऱ्या टॅक्सीला अपघात दोन ठार , “दोन गंभीर”

मृतात खामगाव येथील एकाचा समावेश

अमीन शाह

मूर्तिजापूर / अकोला , दि. १८ :- नागपूर येथून अकोला जिल्ह्यात वृत्त पत्र पार्सल घेऊन येणारी टॅक्सी गाडीला आज मूर्तिजापूर जवळ अपघात झाला असून झालेल्या या भीषण अपघातात दोन जण जागीच ठार झाले असून दोन जण गंभीर जखमी झाल्याची माहिती आहे .

या संदर्भात मिळालेल्या माहिती नुसार वृत्तपत्र घेऊन येणारी टॅक्सी पहाटे चार वाजताच्या दरम्यान उभा असलेल्या अपघातग्रस्त ट्रॅक्टरवर आदळल्याने टॅक्सीतून प्रवास करणारे दोन जण ठार झाले तर टॅक्सीतील दोन जण आणि ट्रॅक्टर ने धडक दिल्याने एक जण असे तीन गंभीर जखमी झाले. घटना १८ जानेवारी रोजी राष्ट्रीय महामार्गावरील कोहिनूर ढाब्याजवळ घडली मृतांमध्ये एका तृतीय पंथीचा समावेश आहे.मृतांमध्ये खामगाव येथील मोहम्मद सादिक अब्दुल समद वय 47 वर्ष यांचा समावेश तर प्रेरणा नामक किन्नर ही झालेल्या अपघातात ठार झाल्याचे समजले त्याचप्रमाणे इरफाना नामक किन्नर जबर जखमी असून अनुला सर नामक एक शिक्षक गंभीर जखमी असल्याने त्यांना अकोला येथे उपचारा साठी पाठविण्यात आल्याची माहिती मिळाली आहे .