अमिन शाह
बुलडाणा , दि. 7 :- जिल्ह्यात आज शुक्रवारला प्रयोगशाळेकडून 59 व रॅपीड अॅन्टीजेंन कीट चे माध्यमातून 22असे एकूण 81 कोरोना पाॅजिटिव रूग्ण आढळून आले. यामुळे जिल्ह्यातील कोरोनाबाधितांचा आकडा आता 1768 वर गेला आहे. आज 29 रूग्णांनी कोरोनावर मात केली असून आतापर्यंत कोरोनामुक्त झालेल्या 1019 जणांना रूग्णालयातून सुट्टी देण्यात आली आहे. जिल्ह्यातील मृत रूग्णांची संख्या 35 आहे. सद्या कोविड रूग्णालयात 714 रूग्ण उपचार घेत आहेत. कोरोना संशयित 202 रूग्णांच्या स्वॅब नमुन्यांचे अहवाल प्रयोगशाळेकडून प्राप्त व्हावयाचे आहेत. अशी माहिती निवासी उपजिल्हाधिकारी यांनी दिली.
