पोलिसांच्या कार्यक्षमतेवर प्रश्नचिन्ह
फुलचंद भगत
वाशिम:
काल रात्री 11:30 वाजताच्या दरम्यान सराईत गुन्हेगार शिरपूर पोलीस स्टेशनच्या कोठडीतून मधून फरार झाल्याने परिसरात व पोलीसात एकच खळबळ उडाली असून त्यामुळे पोलिसांच्या कार्यक्षमतेवर प्रश्नचिन्ह निर्माण झाले आहे.
सविस्तर माहिती अशी की पोलिसांना विविध गुन्ह्यात हवा असलेला सराईत गुन्हेगार गोपाल विजय पवार राहणार पांगरखेडा यास दिनांक 7 ऑक्टोबर ला शिरपूर पोलिसांनी मोठ्या अटक करून पोलीस कोठडीत डांबले होते.यावेळी पोलीस कर्तव्यावर होते. रात्री दरम्यान 11:30 वाजता आरोपी गोपाल पवार यास संडासला जावयाचे असल्याचे त्याने कर्तव्यावर असलेल्या कर्मचाऱ्यास सांगितले त्यांनी त्याला पोलीस स्टेशनच्या परिसरात असलेल्या शौचालयाच्या जवळ नेले असता त्यांनी पोलीस कॉन्स्टेबल यांच्या हाताला जोरदार झटका देऊन पोलीस स्टेशनचा आवारातून पसार झाला. सदर आरोपीस उपस्थित कर्मचारी व परिसरातील इतर तरुणांनी त्याचा पाठलाग करण्याचा प्रयत्न केला असता त्यांनी अंधाराचा फायदा व परिसरातील शेत शिवारातील पिकातून आरोपी पळून जाण्यास यशस्वी ठरला. सदर सराईत आरोपी हा विविध ठाण्यात अनेक प्रकरणी गुन्हे दाखल असल्याचे समजते. वाशिम व शिरपूर पोलिसांनी आरोपीच्या शोधासाठी शोध पथके तयार केली असून पथके गुन्हेगाराचा शोध घेत आहे. या प्रकरणी वरिष्ठ अधिकारी काय भूमिका घेतात याकडे नागरिकांचे लक्ष लागून आहे.
*पोलिसांचा वचक राहिला नाही.*
शिरपूर पोलीस स्टेशन हे संवेदनशील असून येथे दररोज अनेक प्रकरणे दाखल होत असतात.नुकत्याच पार पडलेल्या नवदुर्गा विसर्जन मिरवणुकीत एका तरुणावर धारदार शस्त्राने हल्ला करण्यात आला असून त्यातील तरुण हा अद्याप दवाखान्यात उपचार घेत आहे तर यातील तिन्ही आरोपी हे फरार आहेत असे समजले.शिरपुर येथील कायदा कायदा व सुव्यवस्था पूर्णपणे ढासळली असून शिरपूर ची शांतता दिवसेंदिवस भंग होत आहे.पोलिसांचा येथे कुठल्याच प्रकारचा वचक राहिलेला नसून नागरिकांमध्ये रोष व्यक्त केला जात आहे.
