Home महत्वाची बातमी परराज्यातुन आलेल्या ऊसतोड 150 मजुरांची रनाळ्यात तपासणी

परराज्यातुन आलेल्या ऊसतोड 150 मजुरांची रनाळ्यात तपासणी

24
0

जीवन महाजन

रनाळे (प्रतिनिधी)- कोरोनामुळे लॉकडाऊन झाल्याने ऊसतोडीसाठी परराज्यात गेलेले मजुर आपल्या गावी परतु लागले आहेत. नंदुरबार तालुक्यातील रनाळेसह परिसरात सुमारे 150 हुन अधिक मजुर कुटूंबिय गावी परतल्याने दक्षता म्हणुन या मजुरांची रूग्णालयात तपासणी करण्यात आली.
नंदुरबार तालुक्यातील रनाळे व ढंढाणे परिसरातील मजुर कुटूंबिय रोजगारानिमित्त ऊसतोडीसाठी परराज्यात गेले होते. परंतु सध्या जगभरात कोरोना विषाणुने थैमान घातले असल्याने देशात लॉकडाऊन करण्यात आले आहे. यामुळे सर्वच व्यवहार बंद झाले असल्याने परराज्यात ऊसतोड करणारे मजुर आपापल्या गावी परतु लागले आहेत. रनाळेसह ढंढाणे परिसरातील सुमारे 150 हुन अधिक मजुर परराज्यातुन आले आहेत. गावात पोहोचण्यापूर्वीच मनोहर हारु भिल यांच्यासह अन्य मजुरांनी शिवसेनेचे माजी सहसंपर्क प्रमुख दिपक गवते यांच्याशी संपर्क साधला. यावेळी गवते व मजुरांची चर्चा झाल्याने रनाळे येथील ग्रामीण रूग्णालयात मजुरांना तपासणीसाठी येण्याचे सांगण्यात आले. त्यानुसार परराज्यातुन आलेले मजुर कुटूंबियांची रनाळे ग्रामीण रूग्णालयात तपासणी करुन त्यांना पुढील 15 दिवस घरातच राहण्याचे आवाहन शिवसेनेचे दिपक गवते यांनी केले आहे. तसेच संचारबंदीमुळे गावात विनाकारण फिरणार्‍यांनी कायद्याचे पालन करुन घरात राहण्याचे आवाहन केले.

Unlimited Reseller Hosting