Home महत्वाची बातमी एसटीमध्ये एका आसनावर एकच प्रवासी

एसटीमध्ये एका आसनावर एकच प्रवासी

127
0

राजेश भांगे

प्रवाशांमध्ये करोनाचा प्रादुर्भाव रोखण्याच्या दृष्टीने एसटीच्या गाडय़ांमधील बैठक व्यवस्थेत बदल करण्यात आला आहे. त्यानुसार एसटीमध्ये एका आसनावर एकच प्रवासी बसविण्यात येणार आहे. त्याचप्रमाणे उभे राहून प्रवास करण्यास परवानगी नाकारण्यात आली आहे. याबाबत राज्य परिवहन महामंडळाने सर्व आगारांना सूचना पाठविल्या आहेत.
सुरक्षित अंतर ठेवा ही योजना राबवून प्रवाशांमधील संभाव्य संसर्ग टाळण्यासाठी प्रयत्न करण्यात येत आहेत. त्यासाठी गाडीतील बैठक व्यवस्थेमध्ये आमूलाग्र बदल करण्यात आले आहेत. दोन आसनक्षमतेच्या बैठक व्यवस्थेमध्ये केवळ एकच प्रवासी बसविला जाणार आहे. पुढील आसनावर प्रवासी उजव्या बाजूला बसला, तर त्या मागील आसनावरील प्रवासी डाव्या बाजूला बसेल. त्याच्या शेजारील आसनावरी प्रवासी उजव्या बाजूला बसेल. अशा पद्धतीने एसटीतील बैठक व्यवस्था असेल.

केवळ ५० टक्केच प्रवासी घेऊन बस मार्गस्थ केली जाईल. गर्दी टाळण्याच्या दृष्टीने उभे राहून प्रवास करण्यास परवानगी नाकारण्यात आली आहे. गरज भासल्यास जादा बसची व्यवस्था करण्यात येईल. करोनाचा संसर्ग रोखण्यासाठी सहकार्य करावे, असे आवाहन एसटीकडून करण्यात आले आहे.

Previous articleचिकन अंडी खाल्ल्याने कोरोना विषाणूंचा प्रादुर्भावाच्या अफवांवर विश्वास ठेऊ नाही:-पशुसंवर्धन मंत्री सुनिल केदार
Next articleदमदार नामदार राजेशभैय्या टोपे यांचे होतेय सर्वत्र कौतुक, आई दवाखान्यात असताना आरोग्यमंत्र्यांचा कोरोना साठी राज्यात झंझावात
भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here