भगवान झूलेलालांविषयी आक्षेपार्ह वक्तव्य करणाऱ्या वर कारवाई करा….

जिल्हाधिकारी, पोलिस स्टेशन अवधूतवाडी यांना निवेदन, आक्षेपार्ह वक्तव्यामुळे सिंधी समाजात तीव्र संतापाचे वातावरण

यवतमाळ – सिंधी समाजाचे आराध्य दैवत भगवान झूलेलाल (वरुणावतार) यांच्याविषयी अमित बघेल यांनी केलेल्या आक्षेपार्ह वक्तव्यामुळे सिंधी समाजात तीव्र संतापाचे वातावरण निर्माण झाले आहे. धार्मिक भावना दुखावल्याचा आरोप करत यवतमाळ जिल्ह्यातील सिंधी समाज यांच्या वतीने जिल्हाधिकाऱ्यांना लेखी निवेदन देण्यात आले. बघेल यांच्यावर तातडीने कठोर कायदेशीर कारवाई करण्यात यावी, अशी मागणी शिष्टमंडळाने केली आहे.

छत्तीसगड राज्यातील रायपूर येथे २६ ऑक्टोबर २०२५ रोजी आयोजित पंचशताब्दी संवाद कार्यक्रमात अमित बघेल यांनी भगवान झूलेलालांविषयी आक्षेपार्ह आणि सांप्रदायिक वक्तव्य केल्याचा आरोप निवेदनात करण्यात आला आहे. हे वक्तव्य सामाजिक माध्यमांवर मोठ्या प्रमाणात व्हायरल झाले असून, देशभरातील सिंधी समाजात तीव्र रोष व्यक्त करण्यात येत आहे. समाजाच्या श्रद्धा, परंपरा आणि धार्मिक आस्थेचा अपमान करणारे असे वक्तव्य अमान्य असल्याचे निवेदनात नमूद केले आहे.

सिंधी समाजाच्या प्रतिनिधींनी जिल्हाधिकाऱ्यांना दिलेल्या निवेदनात म्हटले आहे की, अमित बघेल यांनी जाणूनबुजून धार्मिक भावना दुखावून समाजात सांप्रदायिक तेढ निर्माण करण्याचा प्रयत्न केला आहे. त्यामुळे प्रशासनाने या घटनेची गंभीर दखल घेऊन तातडीने चौकशी सुरू करावी आणि संबंधितांवर कठोर कारवाई करावी, अशी मागणी करण्यात आली आहे.
कवर नगरपंचायत अध्यक्ष श्री मनोहर तिलवानी, पूज्य डेरकी पंचायत अध्यक्ष श्री भजनलाल बखतीयार, पलसवाडी कॅम्प पंचायत अध्यक्ष श्री जगदीश वाधवानी, 
श्री प्रकाश गोविंदानी, 
एडवोकेट आकाश मंगतानी, प्राचार्य श्री टिकमदास छतानी, श्री सुरेंद्र होतवानी
श्री नारू कमनानि, श्री अनिल गाबडा
श्री बन्सीलाल छत्तानी, श्री कन्हैया लाल मंगारामानी, श्री दिलीप प्रेमचंदानी
श्री राधाकृष्ण जाधवानी, श्री प्रकाश बत्रा
श्री पंकज नानवाणी, श्री प्रकाश साजनदास उदासी, 
श्री सुशील अंबरतानी व यवतमाळ नगरातील संपूर्ण सिंधी समाज चे 250 ते 300 लोक युवक सहभागी झाले होते.