अमीन शाह
मुंबई उच्च न्यायालयाच्या नागपूर खंडपीठाने पोक्सो कायद्यांतर्गत गुन्हा दाखल असलेल्या एका व्यक्तीची शिक्षा रद्द केली आहे. आय लव्ह यू, असे म्हणणे ही केवळ भावना व्यक्त करणे आहे आणि ती लैंगिक छळ नाही, असे न्यायालयाने म्हटले आहे. २०१५ मध्ये एका अल्पवयीन मुलीला आय लव्ह यू म्हणून हात धरल्याच्या आरोपात ३५ वर्षीय पुरुषावर विनयभंगाचा गुन्हा दाखल करण्यात आला होता या प्रकरणी त्याला स्त्र न्यायालयाने तीन वर्षाची शिक्षा ही ठोठावली होती त्या नंतर त्या आरोपीने नागपूर खंडपीठात अपील दाखल केली होती त्यावर न्या. उर्मिला जोशी-फाळके यांच्या खंडपीठाने त्या आरोपीस निर्दोष मुक्त केले.
न्यायालयाने काय म्हटले?
या प्रकरणाची सुनावणी करताना, खंडपीठाने आपल्या आदेशात म्हटले आहे की, कोणत्याही लैंगिक कृत्यामध्ये अनुचित स्पर्श करणे, जबरदस्तीने कपडे काढणे, अश्लील हावभाव करणे किंवा महिलेच्या प्रतिष्ठेचा अपमान करण्याच्या उद्देशाने केलेली टिप्पणी यांचा समावेश आहे. यापूर्वी, नागपूरमधील सत्र न्यायालयाने २०१७ मध्ये भारतीय दंड संहिता आणि लैंगिक गुन्ह्यांपासून मुलांचे संरक्षण (POCSO) कायद्यांतर्गत त्या व्यक्तीला दोषी ठरवले होते. खंडपीठाने त्याला तीन वर्षांच्या तुरुंगवासाची शिक्षाही सुनावली होती.
१७ वर्षांच्या मुलीला शाळेतून घरी जात असताना त्रास दिल्याचा आरोप या पुरुषावर होता. त्यानंतर त्या माणसाने तिचा हात धरला आणि म्हणाला, मी तुला प्रेम करतो, असे तक्रारीत मुलीने म्हटले होते. मुलीने घरी जाऊन तिच्या वडिलांना सांगितले. या प्रकरणात पोलिसांनी एफआयआर नोंदवला. त्या पुरुषाची शिक्षा रद्द करताना, उच्च न्यायालयाने म्हटले की कोणत्याही परिस्थितीतून असे दिसून आले नाही की त्याचा हेतू मुलीचा लैंगिक छळ करण्याचा होता.
आय लव्ह यू वर कोर्टाने काय म्हटले?
न्यायालयाने म्हटले की आय लव्ह यू हे शब्द कायद्याने सांगितल्याप्रमाणे लैंगिक हेतू दर्शवत नाहीत. आय लव्ह यू म्हणण्यामागील खरा हेतू लैंगिकतेच्या पैलूमध्ये ओढणे हा होता हे दर्शविणारे काहीतरी वेगळेच असले पाहिजे, असे न्यायालयाने म्हटले आहे. हे प्रकरण छेडछाड किंवा लैंगिक छळाच्या श्रेणीत येत नाही. आदेशात म्हटले आहे की जर कोणी असे म्हणत असेल की तो प्रेम करतो किंवा त्याच्या भावना व्यक्त करतो, तर तो कोणत्याही प्रकारचा लैंगिक हेतू दाखवण्याचा हेतू ठरणार नाही.
