यवतमाळ जिल्हा सहकारी कृषी ग्रामीण बहुउद्देशीय विकास बँकेचे असलेला कर्जाच्या बोजाची नोंद कमी करने बाबत तहसीलदार व सहाय्यक निबंधक यांचे आवाहन..!

 अयनुद्दीन सोलंकी 

————————–
घाटंजी : 9 नोव्हेंबर 2022 च्या शासन निर्णयानुसार यवतमाळ जिल्हा सहकारी कृषी ग्रामीण बहुउद्देशीय विकास बँक मर्यादित यवतमाळ (भुविकास बॅंक) च्या कर्ज घेतलेल्या शेतकऱ्यांना संपूर्ण कर्जमाफी करण्यात आल्यामुळे शेतकऱ्यांच्या 7/12 उतारयावरील कर्जाच्या बोजाची नोंद कमी करण्याबाबतचे आदेश पत्र क्रमांक 1460/2023 दि. 28/3/2023 अन्वये जिल्हाधिकारी यांचे कडुन प्राप्त झाले आहे.

शासन निर्णयान्वये महाराष्ट्र राज्य सहकारी कृषी ग्रामीण बहुउद्देशीय विकास बँक मर्यादित मुंबई (शिखर भुविकास बॅंक) व जिल्हा सहकारी कृषी ग्रामीण बहुउद्देशीय विकास बँकांचे (भुविकास बॅंक) कर्ज घेतलेल्या शेतकऱ्यांना संपूर्ण कर्जमाफी करणेबाबत निर्णय करण्यात आलेला आहे. त्या अनुषंगाने यवतमाळ जिल्ह्यातील ज्या शेतकऱ्यांचे 7/12 उतारयावर भुविकास बॅंक यवतमाळ या बॅकेच्या कर्ज बोज्याची नोंद आहे. या कर्ज बोज्याची नोंद शासन निर्णयानुसार कमी करुन देण्याबाबतचा प्रस्ताव तालुका निहाय शेतकऱ्यांचे यादीसह जिल्हाधिकारी कार्यालयात सादर करण्यात आलेला आहे.

तरी संबंधित शेतकऱ्यांनी आपल्या कर्जाचा बोजा संबंधित मंडळ अधिकारी त्यांचे अनिधस्त संबंधित तलाठी यांचे कडुन 7/12 उतारयावरील कर्ज बोजा कमी करुन घेण्यात यावे, असे आवाहन घाटंजीचे उप जिल्हाधिकारी तथा तहसीलदार गोपाल देशपांडे, सहाय्यक निबंधक एस. व्ही. कुडमेथे यांनी केले आहे.