राज्यातील न.पा. व मनपा शिक्षकांचे 16 जानेवारीला धरणे आंदोलन – राज्य अध्यक्ष अर्जुन कोळी

यवतमाळ – महाराष्ट्र शासन केवळ जिल्हा परिषद व खाजगी शाळेतील शिक्षकांना आपले शिक्षक नगरपरिषद व महानगरपालिका शिक्षकांवर सातत्याने अन्याय करीत आहेत. 100% वेतन व पदोन्नतीत योग्य न्याय न मिळाल्यास राज्यातील 10 हजार शिक्षक नगरविकास विभागाच्या पर्यायाने मुख्यमंञी एकनाथ शिंदे यांच्या विरोधात मुंबईत आझाद मैदानावर धरणे आंदोलन करणार असल्याची घोषणा राज्य नपा व मनपा शिक्षक संघाचे अध्यक्ष अर्जुन कोळी यांनी केली.

सासवड येथे आयोजित महामंडळ सभेत ते बोलत होते.उपाध्यक्ष संजय आवळे, कार्याध्यक्ष सुभाषराव कोल्हे, सरचिटणीस अरुण पवार, महिला आघाडी प्रमुख साधनाताई साळुंखे, ट्रस्ट सचिव शिवाजीराव राजिवडे, ट्रस्ट उपाध्यक्षा ज्योत्स्ना भरडा,विदर्भीय नेते राज्यसहचिटणीस संजय चुनारकर,अमरावती विभाग उपाध्यक्ष डॉ.विनोद डवले,यवतमाळ जिल्हाध्यक्ष सुनील जाधव यांची उपस्थिती होती. राज्य अध्यक्ष कोळी म्हणाले, ग्रामविकास विभाग जिल्हा परिषद व खाजगी शाळेतील शिक्षकां साठी शासन आदेश काढते.माञ नगरविकास विभागास नपा व मनपा शिक्षकांचा विसर पडला आहे.सर्व धोरणात्मक निर्णय जिल्हा परिषद शिक्षकांसाठी घेतले जातात. मात्र नपा व मनपा शिक्षकांना वगळले जाते.100% वेतना साठी संघर्ष करावा लागतो.मा.एकनाथ शिंदे साहेब नगरविकास मंञी असल्या पासून सातत्याने मागणी करुनही एकाही प्रश्नांची दखल घेतली नाही.पदोन्नती,ऑनलाईन बदली पोर्टल,

या सारखे गंभीर प्रश्ना कडे नगरविकास विभागाने कधीच लक्ष दिले नाही.राज्यातील नपा व मनपा शिक्षकांना 100% वेतना साठी सतत संघर्ष करावा लागतो.ही खेदाची बाब आहे.नगरविकास विभागास जाग आणण्यासाठी एक महिन्याचा कालावधि देण्यात येत असून, आमचे प्रश्न न सोडविल्यास 16 जानेवारीला 10 हजार शिक्षक आझाद मैदानावर धरणे आंदोलन करतील. यावरही शासनाने दखल न घेतल्यास नाविलाज म्हणून आत्मदहन करावे लागेल. असा इशारा कोळी यांनी नगरविकास विभागास दिला आहे. तसेच यावेळी राज्यातील सर्व जिल्ह्याचे प्रतिनिधी उपस्थित होते.