पतीला अटक
अमीन शाह
नवरा – बायकोमध्ये कधी आणि कोणत्या कारणावरून वाद होईल याचा काही नेम नाही.अशीच एक घटना लातूर जिल्ह्यातील हेर येथे घडली आहे . एका युवकाने वांग्याच्या भाजीसाठी आपल्या पत्नीवर रॉकेल ओतून पेटवून दिलं आहे . या दुर्दैवी घटनेत आरोपीची पत्नी गंभीररित्या जखमी झाली आहे . पीडितेच्या शरीरावर अनेक ठिकाणी भाजलं आहे . पीडित महिलेलला लातूरमधील शासकीय दवाखान्यात उपचारासाठी दाखल करण्यात आले असून पोलिसांनी पतीला अटक केली आहे . शारदुल शेख असं आरोपी पतीचं नाव आहे . तर गंभीररित्या जखमी झालेल्या पीडित पत्नीचं नाव फरजाना शेख आहे . पत्नी फरजाणा हिने काल सकाळी घरी वांग्याची भाजी केली होती . यावेळी आरोपी पती शादुल आणि फर्जाना यांच्यात किरकोळ वाद झाला . या वादामुळे शादुल घरी जेवण न करताच निघून गेला . पण रात्री शारदुल दारू पिऊन घरी आला . मद्यधुंद असणाऱ्या शारदुलने बायकोला सकाळी केलेल्या वांग्याची भाजी जेवायला मागितली . फर्जाना यांनी वांग्याची भाजी संपल्याचं पतीला सांगितलं . पण शारदुलने वांग्याची भाजीच पाहिजे असा हट्ट धरला . पत्नीनं वांग्याची भाजी संपल्याच सांगितल्यानं पतीने रागाच्या भरात पत्नीच्या अंगावर रॉकेल ओतून पेटवून दिलं . या दुर्दैवी घटनेत पत्नी फर्जाना शेख गंभीररीत्या जखमी झाल्या आहेत . अवघ्या हजार – दीड हजार लोकसंख्या असणाऱ्या हेर गावात या घटनेनं खळबळ उडाली आहे अतिशय गंभीर भाजलेल्या फर्जाना शेख यांना गावकऱ्यांनी लातूरच्या सरकारी दवाखान्यात उपचारासाठी दाखल केलं . फर्जाना यांची प्रकृती सध्या स्थिर असून त्यांच्यावर उपचार केला जात आहे . याप्रकरणी पोलिसांनी आरोपी पती शादूल शेखला अटक केली आहे . या घटनेचा पुढील तपास पोलीस करत आहेत .
