मजहर शेख, नांदेड
नांदेड/किनवट,दि : ८:- आज जागतिक महिला दिनाचे औचित्य साधून नारीचा सन्मान करत आज सिंदखेड पोलीस स्टेशनचे सहायक पोलीस निरीक्षक भालचंद्र तिडके व सामाजिक कार्यकर्ते त्रिशूल पाटील यांनी अनोखा उपक्रम राबवून महिला दिन साजरा केला.
विशेष म्हणजे आज महिला दिनी स्त्री स्वातंत्र्याचा आदर करत आंतरजातीय मुला- मुलीची मध्यस्थी करून व कुटुंबियांचे संगनमत घडून सिंदखेड पोलीस ठाण्याचे सहायक पोलीस निरीक्षक भालचंद्र तिडके व सामाजिक कार्यकर्ते त्रिशूल पाटील यांच्या मध्यस्थीने चि.कां.सौ. स्नेहा आदिनाथ सोनडवले व चिरंजीव अजय बाबू राठोड यांचा आंतरजातीय विवाह लावून महत्त्वाचे कार्य बजावले आहे.त्यांच्या या कार्याबद्दल सर्व स्तरातून कौतुकाचा व अभिनंदनाचा वर्षाव होत आहे.
