Home जळगाव पत्रकार जकी अहेमद यांनी घडवले माणुसकीचे दर्शन

पत्रकार जकी अहेमद यांनी घडवले माणुसकीचे दर्शन

67
0

 

रेल्वे रुळावर जख्मी अवस्थेत पडलेल्या तरूणाला वेळेवर पोहचवले रुग्णालयात
रावेर (शरीफ शेख)
जळगाव शहरातील शिवाजीनगर परिसरातील ममुराबाद रस्त्यावर स्मशानभूमीच्या बाजूला असलेल्या रेल्वे रुळावर एक जखमी तरुण विव्हळत पडला होता. त्याला हात लावायला देखील कोणी तयार नव्हते. त्यावेळी तिथून जात असलेल्या एका पत्रकाराने ट्रॅकमॅन आणि नागरिकांच्या मदतीने त्याला तात्काळ जिल्हा रुग्णालयात उपचारासाठी आणले. त्याठिकाणी त्याच्यावर तात्काळ उपचार करण्यात आले. त्यांची प्रकृती अद्यापही गंभीर असल्याचे वैद्यकीय अधिकार्‍यांनी सांगितले आहे.

ममुराबाद रस्त्यावरील स्मशानभूमीशेजारी तरुण रेल्वे रुळावर जखमी अवस्थेत असल्याचे शुक्रवारी दुपारी ३.३० वाजता पत्रकार जकी अहमद यांना दिसले. तसेच तेथून नागरिक त्याला बघून जा-ये करीत होते. मात्र त्याला हात लावायला कोणी तयार नव्हते. तसेच 108 अम्ब्युलन्सला कॉल करून देखील 15 मिनिटं वाट पाहून अखेर त्याच वेळी RPF इंसपेक्टर CS पटेल, सय्यद रेहान आणि परिसरातील ओळखीच्या नागरिकांना बोलावून व ट्रेकमेन समशेर अली, नवाज अली, अरबाज खान, शोएब अली, जुबेर शेख यांच्या मदतीने रिक्षाचालक तुषार ठाकरे याच्या रिक्षेत जकी अहमद यांनी तरुणाला जिल्हा सामान्य रुग्णालयात उपचारासाठी आणण्यात आले. याठिकाणी जनसंपर्क कक्षाची मदत घेत जकी अहमद, समशेर अली यांनी दाखल केले.

डॉ. दीपक जाधव, डॉ. उमेश जाधव आणि परिचारिका व कर्मचाऱ्यांनी तात्काळ त्याला ऑक्सिजन लावून उपचार सुरु केले. त्याची प्रकृती अजूनही गंभीर आहे. त्याच्या डोक्याला, चेहऱ्याला आणि पायाला मार लागला असल्याचे डॉक्टरांनी सांगितले. दरम्यान या तरुणाची संध्याकाळी उशिरापर्यंत ओळख पटली नव्हती. घटनेची माहिती मिळताच जीआरपीचे हेडकॉन्स्टेबल रवींद्र ठाकूर, पोलीस कॉन्स्टेबल स्वप्नील महाले यांनी जिल्हा रुग्णालयात धाव घेतली. त्यांनी पत्रकार जकी अहमद ट्रॅकमन समशेर अली यांचे अभिनंदन करून वेळेत तरुणाला उपचार मिळवून दिल्याबद्दल त्यांचे आभार मानले. पुढील कार्यवाही जीआरपी पोलीस करीत आहेत.