मुंबई – ‘मजबूर’ आणि ‘खुद्दार’ सारखे हिट सिनेमे देणारे आग्रामध्ये जन्मलेले दिग्दर्शक रवी टंडन यांचे शुक्रवारी पहाटे मुंबईत निधन झाले. त्याच्या सुरुवातीच्या चित्रपटांमध्ये ‘अनहोनी’ आणि ‘खेल खेल में’ यांचा समावेश आहे. अभिनेत्री रवीना टंडन त्यांची मुलगी आहे. संजीव कुमार यांच्या जवळच्या मित्रांपैकी एक असलेल्या रवी टंडनने चित्रपट दिग्दर्शक आरके नय्यर यांचे सहाय्यक म्हणून काम करण्यास सुरुवात केली.
‘लव्ह इन शिमला’ आणि ‘ये रास्ते हैं प्यार के’ या चित्रपटांमधून चित्रपट दिग्दर्शनातील बारकावे शिकल्यानंतर रवी टंडनने दिग्दर्शक म्हणून पहिला चित्रपट ‘अनहोनी’ केला. या चित्रपटातील संजीव कुमारच्या अभिनयाचे आजही कौतुक होत आहे. यानंतर त्यांनी ऋषी कपूरसोबत ‘खेल खेल में’ हा चित्रपट बनवला, त्याचा रिमेक म्हणून अक्षय कुमारचा ‘खिलाडी’ चित्रपट बनवला गेला.
रवी टंडन यांचे शुक्रवारी पहाटे ४.४५ च्या सुमारास त्यांच्या राहत्या घरी निधन झाले. रवीना टंडननेही तिच्या वडिलांचे फोटो शेअर करत सोशल मीडियावर एक भावनिक पोस्ट लिहिली आहे. त्यांच्या या पोस्टला चित्रपट जगतातील तमाम मंडळी श्रद्धांजली वाहत आहेत
