अमीन शाह
चंद्रपूर , दि. २९ :- राजुरा शहरातील किसान वार्ड येथे ११ वर्षीय अल्पवयीन मुलांवर अनैसर्गिक अत्याचार झाल्याची घटना उघडकीस आली असून फिर्यादीच्या रिपोर्ट वरुन दोन इसमाविरुध्द राजुरा पोलिसांनी ३७७, ५०६ तसेच १०,(३),(६),(७) ‘पास्को कायद्याअंतर्गत गुन्हा दाखल केला आहे. या प्रकरणाची वेळीच दखल घेत आरोपी पिन्टु रागीट (३२), शंकर तामखाने (४५) याला अटक करण्यात आली आहे.
फिर्यादीने आपले आई सोबत येवून दिलेल्या रिपोर्टनुसार आरोपी पिन्टु रागीट व शंकर तामखाने यांनी वेगवेगळ्या ठिकाणी वारंवार बळजबरीने अनैसर्गिक कृत्य केल्याचे सांगितले. पिंटु रागीट यांनी याकामी आपल्या मोटारसायकलचा वापर केल्याचे फिर्यादीने सांगितले आहे. ह्या घटनेमुळे फिर्यादीची मानसिक स्थिती बिघडली असुन तो दडपणाखाली आहे. सदर घटनेबाबत राजुरा उपविभागीय पोलिस अधिकारी स्वप्निल जाधव व पोलिस निरिक्षक नरेंद्र कोसुलकर यांच्या मार्गदर्शनाखाली गुन्हा नोंदवुन आरोपीना अटक केली आहे. या घटनेचा पुढील तपास ऐ. एस. आय. मधुकर ढोके करीत आहेत.
