अमिन शाह
साखरखेर्डा ,
लव्हाळा साखरखेर्डा रोड वर मोहाडी फाटयाजवळ दुचाकी ची समोरा समोर धडकल्याने देऊळगावमाळी येथील एक जण ठार तर सवडद येथील एक जण गंभीर जखमी झाल्याची घटना आज दि २० नोव्हेंबरचे दुपारी साडेचार वाजता चे सुमारास घडली.
प्राप्त माहितीनुसार असे समजते की, मौजे देऊळगाव माळी येथील गणेश विश्वनाथ मते वय २८ हा युवक आपल्या पलसर क्र एम एच १८ सी डी ६११६ दुचाकीने लव्हाळा कडून साखरखेर्डा येथे जात असताना सवडद येथील कारपेंटर अनिल कचरू खोलगाडगे वय ३० हा साखरखेर्डा येथून आपली दुचाकी एच एफ डिलक्सने क्र एम महा ३७ ९८४७ ने सवडद आपल्या गावी चालला असताना मोहाडी फाट्यानजीक उतारात समोरा समोर धडक झाल्याने दोन्हीना प्राथमिक आरोग्य केंद्र साखरखेर्डाच्या रुग्णवाहिकेने रुग्णालयात दाखल करण्यात आले तेथून चिखली येथील खासगी रुग्णालयात हलवले असता यापैकी गणेश याला डॉक्टरांनी मृत घोषित केले तर अनिल खोलगाडगे त्याचेवर उपचार सुरू आहेत. गणेश मते हा मेहकर येथे गाभणे हॉस्पिटलमधे कम्पाउंडर म्हणून नोकरीला होता. दिवसभर देऊळगाव माळी येथे पानठेला चालवून तो रात्री मेहेकर येथे नोकरी करत होता. दरम्यान ठाणेदार गजानन करेवाड यांनी घटनास्थळी भेट देऊन दोन्ही दुचाकीचा पंचनामा करून वाहने ताब्यात घेतली आहे.
