प्रतिनिधी : मजहर शेख,नांदेड
नांदेड/सारखणी,दि,०५ :- सिंदखेड पोलीस ठाण्या अंतर्गत येत असलेल्या सारखणी येथे मुख्य रस्त्यावर वसंतराव नाईक चौकात,माहूर रोड, मांडवी रोड, किनवट रोडवर नाका बंदी करून दुचाकी,चार चाकी ,आटो, टेम्पो,ट्रक या गाड्यांची कागदपत्र तपासणी करण्यात आली.दिनांक ०५ नोव्हेंबर रोजी नांदेडचे पोलिस अधीक्षक श्रीकृष्ण कोकाटे यांच्या आदेशाने सिंदखेड पोलिस स्टेशनचे सहाय्यक पोलीस निरीक्षक भालचंद्र तिडके यांनी सिंदखेड पोलीस ठाण्या अंतर्गत येत असलेल्या सारखणी येथे सायंकाळी सात वाजेपासून रात्री दहा वाजेपर्यंत सारखणी येथे मुख्य रस्त्यावर वसंतराव नाईक चौकात नाका बंदी करून दुचाकी गाड्यांची कागदपत्र,वाहन चालवण्याचा परवाना,विना नंबर प्लेट अश्या गाड्यांची तपासणी करण्यात आली.,या नाका बंदी मध्ये अनेक गाड्यांची तपासणी करण्यात आली. यावेळी सिंदखेड पोलिस ठाण्याचे सहाय्यक पोलीस निरीक्षक भालचंद्र तिडके,यांच्यासह उपनिरीक्षक भोपळे, बिट जमादार पठाण,पोलिस हेड कॉन्स्टेबल सानप, मडावी, मोकले,तसेच होमगार्ड याकामी उपस्थित होते.
