समिती दोन महिन्यात अहवाल देईल
नवी दिल्ली – माहिती आणि प्रसारण मंत्रालयाच्या पत्रकार कल्याण योजनेच्या मार्गदर्शक तत्त्वांचे पुनरावलोकन करण्यासाठी मंत्रालयाने प्रसिद्ध ज्येष्ठ पत्रकार आणि प्रसार भारतीचे सदस्य अशोक कुमार टंडन यांच्या अध्यक्षतेखाली दहा सदस्यीय समिती नेमली आहे. ही समिती योजनेसाठी सध्याच्या मार्गदर्शक तत्त्वांचे पुनरावलोकन करेल आणि बदलांसाठी शिफारसी करेल. अलीकडेच पत्रकारितेच्या क्षेत्रात झालेला बदल आणि कोविड-19 मुळे अनेक पत्रकारांचा मृत्यू झाल्याच्या पार्श्वभूमीवर हा निर्णय महत्त्वाचा मानला जात आहे. तसेच अशा योजनांसाठी “कार्यरत पत्रकार” या व्याख्येचा आढावा घेतला जाईल.
पत्रकार कल्याण योजना गेल्या अनेक वर्षांपासून अस्तित्वात आहे आणि अधिकाधिक पत्रकारांसाठी या योजनेची भविष्यातील दृष्टी आणि व्याप्ती सामावून घेण्यासाठी तिचे निकष आणि मार्गदर्शक तत्त्वे बदलणे आवश्यक आहे. ऑक्युपेशनल सेफ्टी, हेल्थ आणि वर्कप्लेस टर्म्स 2020 कोड लागू झाल्यामुळे, कामगार पत्रकारांची व्याख्या देखील बदलली आहे आणि त्याची व्याप्ती वाढली आहे. हे पारंपारिक आणि डिजिटल दोन्ही माध्यमांमध्ये काम करणाऱ्या पत्रकारांना सामावून घेते. तसेच या कल्याणकारी योजनेत मान्यताप्राप्त पत्रकार आणि गैर-मान्यताप्राप्त पत्रकारांना समान वागणूक देण्याची गरज असून, त्यांनाही या योजनेचा लाभ मिळणे महत्त्वाचे आहे. माहिती आणि प्रसारण मंत्रालयाने अलीकडेच कोविडमुळे मृत्युमुखी पडलेल्या पत्रकारांच्या कुटुंबीयांना आशीर्वाद अनुदान देण्यासाठी एक सक्रिय पुढाकार घेतला आहे, 100 हून अधिक पत्रकारांना प्रत्येकी 5 लाख रुपयांची मदत मिळाली आहे.
