माळेगाव मूर्ती विटंबना प्रकरणी आरोपीस कठोर शिक्षा करा,भाजप अनुसूचित जाती जमातीची मागणी

सलमान मुल्ला

कळंब ,

याबाबत सविस्तर माहिती अशी की माळेगाव ता- लोहा येथील भारतरत्न डॉ. बाबासाहेब आंबेडकर यांच्या पूर्णाकृती मूर्तीची विटंबना झाली आहे

डॉ. बाबासाहेब आंबेडकर यांचा मूर्तीची विटंबना व नासधुस करणाऱ्या व्यक्तीला मोक्का कायद्याअंतर्गत गुन्हा दाखल करा तसेच मूर्ती भोवती 24 तास सुरक्षा पुरवा अश्या मागणीचे निवेदन भारतीय जनता पार्टी चे अनुसूचित जाती जमातीचे जिल्हाध्यक्ष सतापाल बनसोडे यांनी कळंब च्या उपविभागीय अधिकारी यांच्या मार्फत मुख्यमंञी महाराष्ट्र राज्य यांना देण्यात आले आहे.

पोलिसांनी त्या नराधमाला अटक केली आहे मात्र मुख्यमंत्री यांनी जातीने लक्ष घालून आरोपीला कठोर शिक्षा देण्यात यावी या मुळे पुढे समाजा-समाजात तेढ निर्माण होवु नये म्हणून अशा आरोपींना मोक्का कायद्याअंतर्गत गुन्हा दाखल करून फाशीची शिक्षा व्हावी अश्या मागणीचे निवेदन देण्यात आले..

या निवेदनावर भाजपचे अनुसूचित जाती जमातीचे जिल्हाध्यक्ष सतपाल बनसोडे,आबासाहेब रणदिवे,दिपक गायकवाड,विनोद जगताप,संतोष कसबे,बाळासाहेब हौसलमल आदीच्या स्वाक्षऱ्या आहेत