दुष्यंत चतुर्वेदी यांच्यावर दुसऱ्यांदा यवतमाळ विधान परिषद विजयाचा गुलाल.

यवतमाळ – विधान परिषद निवडणुकीत एकूण पाच जणांनी उमेदवारी अर्ज दाखल केले होते. शिवसेनेचे दुष्यंत चतुर्वेदी यांच्या विरोधात महाविकास आघाडीतून काँग्रेसचे राज्य सरचिटणीस साहेबराव कांबळे यांना उमेदवारी देण्यात आली होती तर भाजप समन्वयक नितीन भुतडा यांच्यासह आर्णी येथील राष्ट्रवादी ( अजित पवार ) गटाचे साजिद बेग आणि दारव्हा येथील काँग्रेसचे माजी नगराध्यक्ष सैयद फारूख यांनी अपक्ष उमेदवारी दाखल केली होती.

बुधवार दिनांक 3 जून 2026 रोजी महाविकास आघाडीला मोठा धक्का बसला. उमेदवार साहेबराव कांबळे यांनी पक्षनेत्यांशी कसलीही चर्चा न करता अचानकपणे जिल्हाधिकारी कार्यालयात दाखल होत आपला उमेदवारी अर्ज मागे घेतला. कांबळे यांनी माघार घेतल्यानंतर यवतमाळची विधान परिषद निवडणूक बिनविरोध होणार हे जवळपास निश्चित झाले होते. तरीही अपक्ष उमेदवाराला पुरस्कृत करून निवडणूक व्हावी यादृष्टीने काँग्रेसने प्रयत्न केले होते. मात्र यातही अपयश आल्याचे स्पष्ट झाले. आज गुरुवार दिनांक 4 जून 2026 रोजी पक्षाच्या निर्देशानुसार नितीन भुतडा यांनी अर्ज मागे घेतला. त्यानंतर दोन अपक्षांनीही माघार घेतल्याने दुष्यंत चतुर्वेदी यांची बिनविरोध निवड झाली आहे.