रवि अन्ना जाधव
देऊळगाव राजा : पर राज्यातून शहरात मजुरीसाठी आलेल्या महिलांच्या लोडींग पिकपला पाठीमागून येणाऱ्या महामंडळाच्या एस. टी. बसने जोरदार धडक दिल्याने या अपघातात दोन महिला मजुराचा जागीच मृत्यू झाला. तर पाच महिलांना गंभीर अवस्थेत जालना येथे हलविण्यात आले आहे. त्यांची प्रकृती देखील गंभीर असल्याचे वृत्त आहे. प्राप्त माहिती नुसार देऊळगाव राजा येथील कापूस जिनिंग मध्ये परराज्यासह अमरावती जिल्ह्यातून मजुरीसाठी आलेल्या महिलांवर दि. 11 डिसेंबर रोजी सकाळी 7 :30 वाजता दरम्यान काळाने झडप घेतली. शहरातील जाफराबाद रोडवर असलेल्या कापूस जिनिंग फॅक्टरी मध्ये पोटाची टीचभर खळगी भरण्यासाठी काही कुटुंब तेथे वास्तव्यास आहे. सद्यस्थितीत काम नसल्याने आठ ते दहा महिला ह्या कापूस वेचण्यासाठी तालुक्यातील पिंपळगाव येथे मालवाहू पिक अप एम एच 38 E 2082 मध्ये जाण्यासाठी चढत असताना जाफराबाद जालना बस क्रमांकMH 20-BL-2276 च्या चालकाने पाठीमागून जोरदार धडक दिली. यामध्ये दोन महिला मजूर जाग्यावर ठार झाल्या यामध्ये1) मायाबाई सुरज काजले.वय 32 वर्ष मुक्काम पोस्ट -रामखेरा,तालुका खगणार,जिल्हा बुऱ्हानपूर. 2) रिचाय काल्या कासदेकर- वय 72 वर्ष मुक्काम पोस्ट,नांदुरी तालुका धारणे, जिल्हा अमरावती या दोन महिला मजूर जागेवर ठार झाल्या. घटनेची माहिती मिळताच डॉ. अक्षय गुठठे, चालक सुभाष कणखर, समाधान आघाव यांनी घटनास्थळावर धाव घेतली. हा अपघात एव्हढा भीषण होता की दोन्ही मजूर महिलांचे मृतदेह अक्षरशः चुराडा झाले होते. गंभीर जखमी महिला1) सुहाना प्रतिराम इपने वय सोळा वर्ष राहणार नांदुरी तालुका धारणी,2) खुशबू बबलू पालवी वय 17 वर्ष मुक्काम पोस्ट तागमला तालुका खागनर जिल्हा बुऱ्हानपूर,3) सुलोचना हारासिंग सहारे वय 35 वर्ष राहणार भगवान पुरा तालुका नांदोरी तालुका धारणी , 4) पुरुषाने मंगल इपने वय 22 वर्ष भगवानपुरा तालुका नांदुरी, तालुका धारणी,5) नर्मदा सोनू इपने वय 45 वर्ष राहणार नांदुरी तालुका धारणी जिल्हा अमरावती या गंभीर जखमी झाल्या त्यांना ग्रामीण रुग्णालयात आणले असता गंभीर अवस्थेत पुढील उपचारासाठी जालना येथे घाटी रुग्णालयात हलविण्यात आले आहे. घटनेची माहिती मिळताच पोलीस निरीक्षक ब्रम्हागिरी यांनी पोलीस पथकासह घटनास्थळावर पाहणी करून पंचनामा केला. पोलीस स्टेशनला मर्ग दाखल करण्यात आला आहे.या घटनेचा पुढील तपास पोलीस निरीक्षक ब्रम्हा गिरी यांच्या मार्गदर्शनात देऊळगाव राजा पोलीस करित आहे.
