, मुलासह सुनेला अटक….
अमिन शाह
लोहारा/ प्रतिनिधी
घरगुती भांडणाच्या कारणावरुन आईचा खून करुन त्यास आत्महत्येचा बनाव केल्याची धक्कादायक घटना लोहारा शहरात घडली आहे. या प्रकरणी मुलगा व सुनेविरुद्ध लोहारा पोलीस ठाण्यात गुन्हा दाखल करण्यात आला आहे. पोलिसांकडून मिळालेली माहिती अशी कि, महेश सुरेश रणशूर (वय 35 रा. लोहारा शिवहरी ग्रीन सिटी, वापी जिल्हा वलसाड गुजरात ) यांनी दिलेल्या फिर्यादीत असे म्हटले आहे कि, त्यांचे भाऊ सौदागर रणशूर व त्याची पत्नी पूजा रणशूर हे नेहमीच आई उमाबाई (वय 55) यांच्याशी वाद घालत असत. पुर्वी देखील आईस मारहाण केल्याची घटना घडली होती. दि. 25 ऑगस्ट रोजी दुपारी 12 ते 1 वाजण्याच्या सुमारास सौदागर व पूजा रणशूर यांनी आई उमाबाई यांना शिवीगाळ करुन लाथाबुक्यांनी मारहाण केली. या मारहाणीमुळे त्यांचा मृत्यू झाल्याचे फिर्यादीत म्हटले आहे. दरम्यान या घटनेची माहिती मिळाल्यावर सांयकाळी सव्वा सहाच्या सुमारास पोलीस घटनास्थळी दाखल झाले. यावेळी संशीयतला ताब्यात घेतले. त्यानंतर दि. 26 ऑगस्ट रोजी लोहारा ग्रामीण रुग्णालयात शवविच्छेदन करण्यात आले. या घटनेनंतर आरोपींनी आईने गळपास घेऊन आत्महत्या केल्याचा बनाव केला होता. मात्र त्याच दिवशी दुपारी फिर्यादीस सौदागर रणशूर याने पाठवलेला एक व्हिडिओ मोबाईलवर मिळाला. त्यात सौदागर व पूजा रणशूर हे आईस शिवीगाळ करुन मारहाण करत असल्याचे स्पष्ट दिसून आले. या प्रकरणी लोहारा पोलिसांनी सौदागर रणशूर व पूजा रणशूर या दोघांविरूध्द खुनाचा गुन्हा दाखल करुन अटक करण्यात आली आहे. पुढील तपास सहाय्यक पोलीस निरीक्षक ज्ञानेश्वर कुकलारे करीत आहेत.
