Home महत्वाची बातमी ना. संजय राठोड यांनी स्वीकारला मदत व पुनर्वसन विभागाचा पदभार

ना. संजय राठोड यांनी स्वीकारला मदत व पुनर्वसन विभागाचा पदभार

218

पोलीसवाला ऑनलाइन मिडिया

मुंबई , दि. ०७ :- महाविकास आघाडी सरकारमधील जिल्ह्यातील एकमेव कॅबिनेट मंत्री संजय राठोड यांनी आज मंगळवारी दुपारी मंत्रालय, मुंबई येथे मदत व पुनर्वसन विभागाचा पदभार स्वीकारून आढावा घेतला.

मदत पुनर्वसन विभागाचे सचिव किशोर राजे निंबाळकर, सहसचिव श्यामसुंदर पाटील यांनी ना. संजय राठोड यांचे स्वागत केले.
पदभार स्वीकारताच ना. राठोड यांनी मंत्रालय परिषद सभागृहात मदत व पुनर्वसन विभागाच्या अधिकाऱ्यांची बैठक घेऊन सखोल आढावा घेतला. यावेळी राज्यातील आपत्ती व्यवस्थापन, मदत व पुनर्वसन विभागाच्या कामकाजाची माहिती त्यांनी घेतली. राज्यातील काही भागात सध्या उद्भवलेली पावसाळी परिस्थिती, गेल्या आठवड्यात राज्यात झालेला अवकाळी पाऊस, गारपीट यामुळे झालेले नुकसान याबाबतही माहिती जाणून घेतली. कोणतीही आपत्ती सांगून येत नाही. त्यामुळे आपत्ती व्यवस्थापन आणि मदत व पुनर्वसन विभागाने कायम सतर्क राहणे, ही सर्वात महत्वाची बाब असल्याचे त्यांनी यावेळी बोलताना अधोरेखित केले.

बैठकीला उपसचिव सुभाष उमराणीकर, उपसचिव बनकर, अवर सचिव घोलप, श्रीदत्त कामत व विभागाचे इतर सर्व अधिकारी उपस्थित होते.