पुसद येथील दुय्यम निबंधक अधिकारी कार्यालयात काल दोन दस्त लेखकांच्या हस्तकांमध्ये महिलांसमोर अश्लील शिवीगाळ व हाणामारी झाली.

यवतमाळ – पुसदच्या दुय्यम निबंधक कार्यालयात सुरू असलेल्या बेबंदशाही कारभाराची वरिष्ठ पातळीवरून चौकशी करण्याची मागणी होत आहे.

स्थावर मालमत्ता खरेदी विक्री व्यवहारासाठी खरेदी व्यवहाराच्य नंबरसाठी कागदपत्रे लावण्यावरून दोन दस्त लेखकांच्या हस्तकामध्ये हा वाद झाला. अश्लील भाषेचा वापरकरत कार्यालयातच झटापट करण्यात आली.

इतकेच नव्हे तर महिला अधिकारी व कार्यालयीन कामासाठी आलेल्या अन्य महिलांसमोर अश्लील शिवीगाळ करून दहशत पसरविली. या घटनेमुळे पुसदच्या दुय्यम निबंधक कार्यालयात सुरू असलेल्या बेबंदशाही कारभाराची वरिष्ठ पातळीवरून चौकशी करण्याची मागणी होत आहे.