घाटंजी येथे महाराष्ट्र सावकारी (नियमन) अधिनियम 2014 प्रकरणातील शैलेश वर्मा, अमित अग्रवाल व संजय बुक्कावार या तिन्ही आरोपीची घाटंजी न्यायालयाकडुन निर्दोष मुक्तता..!

➡️ घाटंजी येथील प्रथम श्रेणी न्यायदंडाधिकारी तथा पिठासीन अधिकारी ए. ए. उत्पात यांचे आदेश.

( अयनुद्दीन सोलंकी )
————————-
घाटंजी, 07 ऑगस्ट – घाटंजी येथील तनिष्क ज्वेलर्सचे संचालक शैलेश नंदकुमार शर्मा, अग्रसेन ज्वेलर्सचे संचालक अमित अशोकराव अग्रवाल व व्यंकटेश ज्वेलर्सचे संचालक संजय देविदास बुक्कावार या तिन्ही आरोपीची घाटंजी येथील प्रथम श्रेणी न्यायदंडाधिकारी तथा पिठासीन अधिकारी ए. ए. उत्पात यांनी पुराव्या अभावी निर्दोष मुक्तता केली.

विशेष म्हणजे सदर प्रकरणात सहकारी संस्थेचे सहाय्यक निबंधक जयंत मोतीरामजी पालटकर यांनी घाटंजी पोलीस ठाण्यात रिपोर्ट 20 जुन 2015 रोजी दुपारी तक्रार दाखल केली होती. सदर प्रकरणाचा तपास जमादार सुनिल दुबे यांनी केला होता. या प्रकरणात तिन्ही आरोपीची बाजु घाटंजीचे ज्येष्ठ वकील ॲड. अनंतकुमार पांडे यांनी मांडली.

घाटंजी येथील काही ज्वेलर्स बाबत घाटंजी येथील सहकारी संस्थेचे सहाय्यक निबंधक यांच्या कार्यालयात सावकारी बाबत अनेक तक्रारी प्राप्त झाल्या होत्या. त्यानुसार सहकारी संस्थेचे सहाय्यक निबंधक जयंत मोतीरामजी पालटकर यांनी आपल्या पथकासह तनिष्क ज्वेलर्स, अग्रसेन ज्वेलर्स व व्यंकटेश ज्वेलर्स आदीं सोनाराच्या दुकानात धाड टाकून तपासणी केली होती. त्यात अवैध सावकारी व्यवहार विहीत नमुन्यातील नोंदवह्या ठेवून करण्याचा परवाना आहे. मात्र, सहकारी संस्थेचे सहाय्यक निबंधक जयंत पालटकर यांनी धाड टाकून तपासणी केली असता, घाटंजी येथील काही ज्वेलर्संनी आपल्या कार्यक्षेत्रातील 11 व्यक्तींशी सावकारी व्यवहार केल्याचे आढळले, तसेच अग्रसेन ज्वेलर्स मधुन संजय जनार्दन पांढरमिशे, रा. उमरी ता. आर्णी व व्यंकटेश ज्वेलर्स मध्ये 5 व्यक्तींशी सावकारी व्यवसायाचे ठेवण्यात येणा-या दफ्तरी मध्ये विविध प्रकारच्या सुट्या पानांचा वापर करून त्यात छेडछाड व हेराफेरी केली होती. त्यामुळे संबंधित आरोपी विरुद्ध 23 जुन 2015 रोजी घाटंजी पोलीस ठाण्यात तक्रार दाखल करण्यात आली. या प्रकरणात गुन्हा रजिस्टर क्रमांक 3092/2015 रोजी कलम 41 (ख) महाराष्ट्र सावकारी (नियमन) अधिनियम 2014 अंतर्गत गुन्हा नोंदविण्यात आला. तपास अधिकारी जमादार सुनिल दुबे यांनी सदर प्रकरणाचा तपास करुन दोषारोपपत्र घाटंजी येथील प्रथम श्रेणी न्यायदंडाधिकारी यांच्या न्यायालयात दाखल केले.

सदर प्रकरणात सुनावणी होऊन तिन्ही प्रकरणातील आरोपी शैलेश नंदकुमार शर्मा, अमित अशोकराव अग्रवाल व संजय देविदास बुक्कावार या तिन्ही आरोपीची घाटंजी येथील प्रथम श्रेणी न्यायदंडाधिकारी तथा पिठासीन अधिकारी ए. ए. उत्पात यांनी पुराव्या अभावी निर्दोष मुक्तता केली.

सदर प्रकरणातील तिन्ही आरोपीची फौजदारी प्रक्रिया संहिता 255 (1) अन्वये कलम 41 (ख) महाराष्ट्र सावकारी (नियमन) अधिनियम 2014 अंतर्गत शिक्षापात्र गुन्ह्यातुन निर्दोष मुक्तता करण्यात आली. तसेच फौजदारी प्रक्रिया संहिता कलम 437 – आ च्या अनुपालन करिता आरोपीने पुढील 6 महिन्या करिता रक्कम ₹ 15,000 चा जामीन कदबा द्यावे, असे आदेश घाटंजी न्यायालयाने दिले आहे.

सदर तिन्ही प्रकरणात घाटंजी येथील ज्येष्ठ वकील ॲड. अनंतकुमार पांडे यांनी आरोपीची बाजु मांडली.